Ceredigion Culture Questionnair
Rwy’n gweithio ar brosiect newydd i ddeall sut mae trigolion Ceredigion yn diffinio ac yn profi diwylliant yn eu bywydau bob dydd. Nod y prosiect yw casglu barn gan unigolion, sefydliadau, grwpiau â chynghorau lleol er mwyn nodi bylchau ac anghenion, a datblygu cynllun gweithredu yn seiliedig ar y canfyddiadau hynny.
Y bwriad yw dosbarthu holiadur fel ffordd hygyrch o gasglu barn. Bydd yr holiadur ar gael ar Wefan y Cyngor Sir a hefyd fydd copïau papur ar gael yn llyfrgelloedd Sir Ceredigion.
Byddem yn ddiolchgar i dderbyn eich cymorth i annog cymaint a phosib i ymateb.
A fyddai modd i chi felly:
1. Rhannu gwybodaeth am yr holiadur ac annog pobl i gymryd rhan – Os byddwch yn derbyn copïau papur o’r holiadur wedi’u cwblhau, byddwn yn ddiolchgar iawn os gallech eu dychwelyd i’ch llyfrgell lleol neu trwy’r post cyn y 12fed o Ionawr i :
Elin Mai Williams
Swyddog Datblygu Diwylliant,
Cyngor Sir Ceredigion,
Penmorfa,
Aberaeron,
Ceredigion,
SR46 0PA
2. Rhoi gwybod i mi am unrhyw ddigwyddiadau yn eich ardal chi y gallwn ni ei fynychu er mwyn dosbarthu’r holiadur.
3. Ystyried fy ngwahodd i drafod y prosiect gyda chi fel grŵp.
Tybed a fyddech chi mor garedig a rhoi gwybod i mi trwy ymateb i’r e-bost hwn pa rhai o’r uchod fyddai modd i chi eu gwneud.
Ar ddiwedd y prosiect, byddaf yn rhannu’r canlyniadau gyda chi ac yn gobeithio trafod ffyrdd o gydweithio ymhellach.
Dyma’r ddolen ar gyfer gweld / llenwi’r holiadur
Diolch yn fawr am eich amser a’ch cefnogaeth,
Elin Mai Williams
Swyddog Datblygu (Diwylliant)